Mtakatifu wa leo Julai, 29

MTAKATIFU MARTA.

HISTORIA YA MTAKATIFU MARTA.

Mtakatifu Marta alikuwa mwanamke wa  Bethania, kitongoji cha Yerusalemu, katika karne ya 1.

Ndugu zake walikuwa Maria na Lazaro ambao wote Yesu alifurahia urafiki wao alipokuwa akihiji kwenda Yerusalemu.

MAISHA YAKE.

Anajulikana hasa kutokana na Injili, kwa namna ya pekee Injili ya Luka (10:38-42) na Injili ya Yohane (11), katika Agano Jipya ndani ya Biblia ya Kikristo.

Humo anaonekana mwenye silika ya utendaji  na imani kwa Yesu Kristo, ambaye alipendezwa na ukarimu wake, pamoja na kumuonya azingatie kwanza kilicho muhimu pekee, yaani kusikiliza Neno la Mungu.

Kisha kumkiri Yesu kuwa Kristo, Mwana wa Mungu aliyekuja ulimwenguni, alishuhudia alivyomfufua kaka yake Lazaro siku nne baada ya kifo chake.

MAFUNDISHO.

1.Utumishi na ukarimu: Marta alionyesha moyo wa utumishi na ukarimu kwa kumpokea Yesu na wanafunzi wake nyumbani kwake. 

2.Kusikiliza neno la Mungu: Katika mojawapo ya simulizi, tunamsikia Marta akilalamika kwa Yesu kwa sababu anahisi ametengwa na dada yake Maria, ambaye alikuwa akisikiliza mafundisho ya Yesu. (Luka 10:38-42). 

3.Kuwa na imani: Baada ya kifo cha Lazaro, Marta anaonyesha imani yake kwa Yesu na ufufuo wa wafu. (Yohana 11:25). Mafundisho haya yanatukumbusha umuhimu wa imani katika Yesu na tumaini la uzima wa milele.

4.Ujumbe wa kuishi kwa upendo na umoja: Mtakatifu Marta, Maria, na Lazaro walikuwa na uhusiano wa karibu sana na Yesu. Ushuhuda wao unatuhimiza kuishi kwa upendo na kudumisha umoja katika familia na jumuiya yetu.