UPWEKE: Ugonjwa wa Roho

UPWEKE-UGONJWA WA ROHO

INJILI: YOHANE 5:1-9

Baada ya hayo kulikuwa na sikukuu ya Wayahudi; naye Yesu akakwea Kwenda Yerusalemu. Na huko Yerusalemu penye mlango wa kondoo pana birika, iitwayo kwa Kiebrania Bethzatha, nayo ina matao Matano. Ndani ya hayo jamii kubwa ya wagonjwa walikuwa wamelala, vipofu, viwete, nao walopooza, (wakingoja maji yachemke. Kwa maana wakati ambako Malaika hushuka, akaingia katika ile birika, akayatibua maji. Basi yeye aliyeingia wa kwanza baada ya maji kutibuliwa, akapona ugonjwa wote uliokuwa ummempata). Na hapo palikuwa na mtu, ambaye amekuwa hawezi muda wa miaka thelathini na minne. Yesu alipomwona huyo amelala, naye akijua kuwa amekuwa hali hiyo siku nyingi alimwambia, “Wataka kuwa mzima?”. Yule mgonjwa akamjibu, “Bwana, mimi sina mtu wa kunitia birikani, maji yanapotibuliwa; ila wakati ninapokuja mimi, mtu mwingine hushuka mbele yangu.” Yesu akamwambia, “Simama, jitwike godoro lako, uende.” Mara yule mtu akawa mzima, akajitwika godoro lake, akaenda.

   Neno la Bwana ………

Tukitazama katika somo la Injili tunamwona Yesu anakwea kuelekea Yerusalemu, hasa hasa anaelekea Bethzatha (mlango wa kondoo) ambako kulikuwa na wagonjwa wengi na wahitaji wa aina mbalimbali waliokuwa wakisubiri maji yatibuliwe waweze kuingia kwenye birika ili kuponywa matatizo yao.

Jamii hii haitambui uwepo wa Yesu katikati yao na wote wameweka umakini wao katika zile birika tano wakingojea Malaika kushuka na kuyatibua mji yake. Lakini katika msongamano wote huo wa wahitaji na wagonjwa Yesu anamwendea mmoja kati yao.

Tazama mazungumzo yao: -

Yesu alipomwona huyo amelala, naye akijua kuwa amekuwa hali hiyo siku nyingi alimwambia, “Wataka kuwa mzima?”.

Yesu ingana anajua kuwa mgonjwa huyu amekuwa katika hali aliyokuwa nayo kwa siku nyingi kuna swali la muhimu anauliza [wataka kuwa mzima], Yesu analifahamu hitaji la mgonjwa huyu lakini anauliza tena juu ya hitaji hilo, Yesu anajaribu kuipima Imani ya mtu huyu katika uponyaji amabo amekuwa akiusubiri kwa kipindi kirefu. Yesu anaitafuta Imani ndani ya mtu huyu.

Waebrania 11:6 “lakini pasipo Imani haiwezekani kumpendeza; kwa maana mtu amwendeaye Mungu lazima aamini kwamba yeye yuko, na kwamba huwapa thawabu wale wamfuatao.”

Kristu anajaribu kuiangalia Imani ya mtu huyu ili aweze kumpatia thawabu ya uponyaji. Twaweza kuwa kwa namna moja ama nyingine tuna hali saw ana ya mtu huyu nasi twahitaji thawabu kutoka kwa Mungu, swali ambalo Yesu Kristu anapokuja kwetu kutatua matatizo yetu ni sawa na la mtu huyu [wataka kuwa mzima]. Majibu yetu ndio yatakayo hitimisha thawabu za Mungu kwetu sisi.

Lazima tukumbuke

Marko 11:23-24 [amin, nawaambia; yeyote akatayeuambia mima huu, ‘Ng’oka ukatupwe baharini,’ wala asione shaka moyoni mwake, ila aamini hayo asemayo yametukia, yatakuwa yake. Kwa sababu hiyo nawaabia; Yeyote myaombayo mkisali, aminini ya kwamba mnayapokea, nao yatakuwa yenu.]

Hii ndiyo ahadi ya Bwana wetu Yesu Kristu.

Tukiendelea na mazungumzo ya Yesu na mtu yule tunaona: -

Yule mgonjwa akamjibu, “Bwana, mimi sina mtu wa kunitia birikani, maji yanapotibuliwa; ila wakati ninapokuja mimi, mtu mwingine hushuka mbele yangu.”

Mtu huyu mgonjwa anajibu tofuti na matarajio yetu sote, anamwambia [Bwana, mimi sina mtu wa kunitia birikani…]. Mtu huyu mbali na kuwa katika hali ya ugonjwa kwa kipindi kirefu kitu pekee anachokiona kma kikwazo ni UPWEKE, [mimi sina mtu wa kunitia birikani].

Hali hii ya upweke imekuwa I zaidi y ugonjwa kwa mtu huyu wa enzi zile lakini ni tatizo la kiduni kwa nyakati za sasa. Wengi wetu tumekuwa tukilalama juu ya kukosa mtu karibu yetu na tumekuwa tukimlilia Mungu juu ya swala hili, Mungu tazama mimi sina mtu wa kunijali, sina mtu wa kuniangalia kwa ukaribu, sina mtu nayeonesha upendo kwangu na mambo mengine mengi hatua ya kusahau hali zetu tulizonazo.

Upweke unaitafuna kwa kasi dunia ya sasa na watu wengi wanataza, wanahitaji baadhi ya hali kama kupendwa, kujaliwa, kusikilizwa, kupewa msaada na mengine mengi na yanapokosa haya watu huzama katika dimbwi la huzuni na Upweke huwatawala.

Katika biblia agano la kale tunamuona Mungu wa Yakobo, Mungu wa Isak ana Mungu wa waislaeli alikuwa juu ya watu wake akiwalinda kila pande, alikuwa juu yao kama wingu lakivuli nyakati za jua kali na akawawakia kama nuru juu yao wakati wa giza. Si hivyo tu, hata alipowavusha katika maji alikuwa pembeni yao akiwalinda.

Je, Mungu wetu yupo wapi katika dunia ya sasa, katika nyakati hizi za upweke, Mungu yupo wapi?

Soma simulizi hii

“Kando ya ziwa kubwa waliishi jamaa wawili, mmoja Tajiri mtu aliyetunukiwa mali nyiki kwa kadri alivyohitaji, naye alikuwa na mali sana na alikuwa amejenga bwawa la kuogelea mbele ya nyumba yake. Pia alikuwepo jamaa mwingine, Jirani ya yule Tajiri naye alikuwa wa kipato cha chini hakuwa na mali nyingi isipokuwa makazi machakavu na pipa dogo la maji. Jamaa huyu maskini siku zote alikuwa akimchukia jamaa yake aliyekuwa Tajiri na alikuwa akimlalamikia sana. Siku moja katika malalamiko yake alimwambia, tazama wewe upon a bwawa la kuogelea na mimi nina pipa moja dogo nyumabni kwangu, huna ukarimu wewe. Bwana yule aliyekuwa Tajiri akamjibu akisema, Je! Wewe hauko pembezoni wa ziwa kubwa lililojaa maji, kwanini usijitwalie kutoka humo kiasi utakacho kama mimi nilivyofanya”

Maisha yetu yamekuwa saw ana jamaa maskini, tumekuwa tukilalamika na kusema kama yule mtu mgonjwa [mimi sina mtu wa kunitia birikani,.]. na mara kwa mara tumekuwa tukimuona Mungu kama katukimbia na kuondoka kutoka katika upeo wetu lakini tunasahau kuwa Mungu yupo ndani yetu.

Kumbuka

Yohane 3:16 [Kwa maana jinsi hii Mungu aliupenda ulimwengu, hata akamtoa mwanawe pekee, ili kila mtu amwaminiye asipotee, bali awe na uima wa milele].

Zama zimebadilika, Mungu hayuko tena kukaa juu yetu kutuangazia, ama kukaa pembeni yetu kutulinda, Mungu yupo ndani yetu, tunaishi naye, tunakula naye, tunalala naye na kwa upendo waake huwa nasi ktika kila namna.

Mungu anatuuliza ni kwa nini tunataza mambo na hali walizonazo wnzetu, na tunasahau yale makubwa aliyotupatia sisi, Mwanawe wa pekee, Mungu ametupatia kila kitu alicho nacho. Tunalalamika kila mara kuwa hamna mtu wa kutupenda, kutujali na kutusaidia na kusahau kwamba Mungu anatupenda, anatujali na anaweza kufanya chochote kwa ajili yetu.

Yohane 14:23 [Yesu akajibu akamwambia, “Mtu akinipenda, atalishika neno langu; na Baba yangu atampenda; nasi tutakuja kwake, na kufanya makao kwake.]

Kwa kumpenda Kristu situ kwamba Mungu atatupenda bali Mungu na mwanawe Yesu Kristu watafanya makao ndani yetu, wataishi Pamoja nasi na watakaa nasi. ajabu gani naya kushangaza bado tunalia juu ya kupendwa na watu wengine kuisahau hazina iliyopo ndani ya Kristu.

Isaya 43:1-2 [ Lakini sasa, Bwana aliyekuhuluku, ee Yakobo, “Usiogope, maana nimekukomboa; nimekuitwa kwa jina lako, wewe u wangu. Upitapo katika maji menginitakuwa Pamoja nawe, na katika mito, haitakugharikisha; uendapo katika moto, hutateketea, wala mwali wa moto hautakuunguza.]

Mungu yupo pamoja nasi katika hali zote za Maisha yetu, katika kukataliwa, katika kupigwa na kudhalilishwa, yupo nasi katika mafuriko ya mkato wa tamaa na maginjwa, katika moto wa umaskini na njaa, na sio kwamba anatutazama kutoka mahali bali yupo Pamoja nasi. Tunapozama majini tunazama naye, tunapopita motoni tupo naye, kwa maana huyo ndiye Mungu wetu.   

Mungu atakuwa nasi katika kila hali na atahakikisha kuwa tunatoka katika matatizo ytu tulionayo si kwa ukombozi kamili bali kwa ushindi mkubwa. Tunaweza kuwa tumeona moto wa aina mbalimbali, kimbunga kimeyatawanya Maisha yetu, mafuriko yamesomba ndoto zetu na matumaini lakini tukumbuke kuwa Mungu nyakati zote yupo nasi.

Tufanye nini sasa?

 Isaya 41:10 [ Usiogope, kwa maana mimi ni Pamoja nawe; usifadhaike, kwa maana mimi ni Mungu wako. Nitakutia nguvu, naam, nitakusaidia, naam, nitakushika kwa mkono wa kuume wa haki yangu.]

Haya ni maneno ya Mungu yanayoonyesha ahadi na agizo, sisi si wapweke, sisi si yatima wala si watumwa, bali tu huru, wenye haki na baraka nyingi. Tumuamini Mungu katika kila jambo kwani yeye yupo ndani yetu na katika Maisha ya kila siku. Bwana anaisikia haja yetu, analijua hitaji letu naye hutuambia kila nyakati [simama, jitwike godoro lako, uende.]

TUMSIFU YESU KRISTU.....